يوم الجمعة خرجوا الريام:

: للشيخ مبارك السوسي، ونعرض لكم عملا من أعماله المعروفة وهي قصيدة يوم الجمعة خرجوا الريام، هذه القصيدة غناها كبار الأغنية الشعبية من أمثال الحاج مريزق والحاج الهاشمي قروابي والشيخ عمر الزاهي




يوم الجمعة خرجوا الريام *** طعنوني من ضيق اللثام
2-بهظوني، سلبوني، تيهوني *** صدوا وخلوني
3-نكمد في ليعات الجـــــراح *** يحسن عون اللي عشيق
4-كيفي مجروح بلا حســــام *** أنا انكويت من النيام
5-يوم لقيت الخـــــــــــودات *** في الأحواز المخفية
6-ميزوا عليـــــــــــــــــــــا *** في الحين تبعتهم
7-وأنا كندمــــــــــــــــــــــم *** للعوارم حتى صدوا
8-نخلوني ما ردوا لي وجاب *** نطقت أنا في الحين
9-وقلت لهم يا ذوك الجايزات *** اشفقوا من حالي
10-ولا تعذبونـــــــــــــــــي *** يا كحيلات العيان
11-صدوا لي وتشلغنوا عليا *** زادوا للوالي
12-علة لي علة لــــــــــــي *** كي زاروا، خرجوا يميزوا
13-زينات التيجان
14-يوم الجمعة خرجوا الريام *** من بهجة فاس البالي
15-السربات يحيروا العقــــل *** نحكيهم غزلان
16-يوم الجمعة خرجوا الريام *** خرجوا للباب الباهيات
17-على الكساوي متعانـــدات *** لبسوا ما واتاهم
18-من قفاطـــــــــــــــــــــن *** عن كل الوان
19-المبرم والديدي والطلــس *** الشكرناط والمشجر
20-والقلب حجـــــــــــــــــر *** والموبر بركاضو الغول
21-الشيبي وخريب الكيــوس *** قمايجهم شي لا نصف
22-الفينا واللملــــــــــــــــــم *** والحريشة حتى المشعل
23-كايشابه له المال الكثيـــر *** حزوم أرفع من الحرير
24-العبارق والشرابـــــــــي *** لونها غرابي
25-مقايس من اللجيــــــــــن *** اللبات مع التاجرة والتيجان
26-يحيروا العقــــــــــــــــل *** زادوا للقلب أهوالي
27-علة لي علة لــــــــــــي *** الدبايج مترصعين
28-بالجوهر والعقيان
29-طلوا العوارم في الفجـــوج *** كا يلقطوا نوار الحروج
30-من المصلى للحواز، وندوا *** نحكيهم غزلان يجردوا
31-نلقاهم سربة خلاف سربـــة *** ظلوا متنزهات
32-خدموا مشمـــــــــــــورات *** رافدين ترازمهم
33-همة وشــــــــــــــــــــــان *** فيهم الطبخ على الألوان
34-الفاكية والفقاس يا الفاهــــم *** والكعك مع الغريبة
35-وكا ينشدوا بالأشعـــــــــار *** براول وعروبيات وسرارم
36-والقصدان المـــــــــــــلاح *** يطعنوا من شوف اللماح
37-في الحين نطقت: أنـــــــا *** وقلت لهم: تيهتوني
38-نطقوا البنات، جاوبونــــي *** قالوا لي من تكون
39-شكون أنت في النـــــــاس *** قلت لهم: طالب سوسي
40-من أحواز البهجة الحمــرا *** وشيخ بيوت أهل الأشعار
41-ونمجد الحسن ونهوى المليح *** قالوا لي كان أنت فصيح
42-وصفنا وسمينا على النهاية *** نطقت أناي:
43-علاش ذايــــــــــــــــــــــا *** نوصفكم، كاملين
44-نسميكـــــــــــــــــــــــــــم *** إذا تجوني لرياضي
45-تشاهدوا نوار احواضــــي *** نقيم بالسرور معكم
46-قلبي بملقاكم راضــــــــــي *** محال عمري ننساكم
47-حتى إذا هجرتــــــــــــــوا *** لكم نسعى الذمام
48-قالوا لي الغوالـــــــــــــي *** علة لي، علة لي
49-سير حتان على وصولنـــا *** وصعبي يهون

50-قالوا سمينا بالتمــــــــام *** باش نروحوا بعد المقام
51-أحكم علينا لا نفرطـــوا *** كي انت صبناك
52-صاحب طرقة وهواوي *** رجل ظريف ومعنوي
53-عجبتنا سلبتنــــــــــــــا *** بلا نوية عندك جينا
54-قلت لهم: أهلا بكــــــم *** طاب سلواني بمجيكم
55-في اللغة نريد نسميكـــم *** بالرقايق نبدا بهشوم
56-ظريفة وزينب تاج الريام *** موينى وفضيلة وطاهرة
57-ورقية بدر التمــــــــــام *** البتول وزهرة وراضية
58-وصافية سيف المشاليـة *** هنية عدت جازية
59-فاقت عبسية ولالة مالكة *** والريم فاطمة
60-العانس رحمــــــــــــــة *** وخيتها محجوبة
61-بالزين والبهـــــــــــــــا *** صالت حبيبة
62-والكبيرة أم كلثوم الغزال *** خدوج مع غيثة والعزيزة
63-وخى توصافكـــــــــــــم *** قل هو الله عليكم
64-تبارك الله عليكم كلكــــم *** نعين اللي معيان
65-يا بنات الحومــــــــــــة *** نوضوا تجردوا قدامي
66-أرقصوا وبايعوا لــــــي *** قالوا لي: يا الشيخ
67-جازاك الله بخيـــــــــــر *** يا الماهر يا ليث الماهرين
68-لكن هذا جهد الــــرواح *** نسيروا مع نسيم الصباح
69-مشى العقل وبالــــــــي *** علة لي، علة لي
70-سر حتان على وصولنا *** صعبنا يهون
71-مشيت لبستاني وكيــــــــــد *** وفعلت جميع ما نريد
72-فرشت تسارح بالقطـــــوف *** زرابي بر الترك
73-الحياطي والخديـــــــــــات *** خوامي ينبوا معرجين
74-عملت قباب متقابليــــــــــن *** مقاعد للجلسات
75-الخصوص داروا بالصريج *** من الرخام والزليج بهيج
76-المصابح ترتي مثل النجوم *** ضوت وراها في الغسيق
77-عملت أسفاري من الوريق *** كيسان من البلار والسهيبة
78-والفاكية للقطيــــــــــــــــع *** وميادي طبخ الدار
79-وأشجار عليهم أطيـــــــار *** ينشد البلبل والحداد
80-جاوب السمـــــــــــــارس *** والمقنين الفصيح
81-هكذاك عملت في ملوك التميمة *** في رياضي قايمين ديما
82-عفاشـــــــــــــــــــــــــــة *** بوها عيروض
83-وعاقصة مع دمريـــــــــاد *** حتى شيهوب والحكيمة
84-عقيلة وقبايل الجنـــــــون *** بجملة دورتهم
85-البستان على كل وجـــــه *** خرجت لفم الباب
86-كا نراعي لوصول الباهيات *** حتى جاوا الخودات
87-في احواز دهبيـــــــــــــة *** سلموا عليا
88-صابوني زارع الشتيـــــة *** مع التيهان والهجر
89-فاتوا للقبات بالبطــــــــــر *** تعاطوا فناجل الخمر
90-والخدود عكــــــــــــــروا *** والعيون ذبلوا
91-لي الفاهم قالـــــــــــــوا: *** قرب لعندنا نسقيوك
92-مغروم بالهوى ندريــــوك *** في الحين قلت لهم تيهتوني
93-من مراشفكم شربونــــــي *** تخويض الريق والخمر
94-في طلوعه يزها لـــــــي *** علة لي، علة لي
95-نجني شهد الورد خير لي *** من خمر الكيس
96-من ترصاعي خذ النظـــــــــم *** باش تهيج ناس الغرام
97-آ حفاظي نعطيك سيف ماضي *** للرقاب الجاحدين
98-به تطوع القوم الغشـــــــــــام *** و لا دروا إفادة
99-عاشوا كمثيل البهايـــــــــــــم *** ما سلموا لأهل الإرادة
100-تحت الأقدام الراس العــــدم *** ضربي عليه كا يتزادى
101-حتى ينتهي ويسلم للماهرين *** الناس الموهوب الفايزين
102-عليهم ســـــــــــــــــلام الله *** ما تفوح عطرشة
103-والورد والزهــــــــــــــــر *** النسري والياسمين
104-يا حفاظي اسمي نبينــــــــه *** قال مبارك ما خفى
105-السوسي عبد الشرفــــــــــا *** وطايع الطلبة والأدبا الأحرار
106-رجاي في من لا ينـــــــــام *** سيدي يجبر لي حالي
107-علة لي، علة لــــــــــــــي *** يجاوز عندنا دخيل له
108-بالنبي العدنان